FACEBOOK FEED

Agusan del Sur Police Provincial Office
Agusan del Sur Police Provincial Office
PRESS RELEASE
15 March 2021

Pamahayag sa Police Regional Office 13 bahin sa mga leaflet sa CPP-NPA

Namonitor sa atong intelligence community ang mga leaflets sa CPP-NPA nga gipanganlan ang uban nga mga opisyales sa Police Regional Office (PRO) 13 nga nalambigit matud pa sa kaso nga pagpatay, pagsang-at sa mga kaso nga wala’y saktong ebidensya, ug pinugus nga pagsurrender sa mga sibilyan isip NPA.

Gumikan niini, giklaro sa PRO13 nga lehitimo ang tanang operasyon sa mga lokal nga yunit sa pulisya ug subay kini sa kamandoan sa korte sa pagserve sa mga warrants of arrest ug search warrants.

Ang bisan kinsa nga akusado, unsa man ang estado sa kinabuhi, adunay katungod sa pagkuha ug abogado ug pagdepensa sa iyang kaugalingon sa hukmanan subay sa mga probisyon sa batakang balaod.

Desperado na ang NPA tungod sa sunud-sunod nga pag-kasikop sa ilang mga kauban diin kadaghanan niini mga wanted o pinangita tungod sa mga ngilngig nga krimen. Nahadlok na sila sa padayon nga pagkawala sa suporta sa komunidad alang sa ilang kalihukan.

Sa pikas nga bahin, ang pagsurender sa mga myembro sa Militia ng Bayan, mga aktibong myembro sa CPP-NPA, ug mga dumadapig nga masa nagpamatuod nga daghan na ang nahigmata sa kamatuoran nga walay kaugmaon ang armadong pakigbisog.

Seryoso ang PNP ug AFP sa counterinsurgency drive batok sa mga terorista nga sulod sa daghang katuigan nagsilbing babag sa kalinaw ug kahapsay sa atong rehiyon.

Kung adunay manubag sa balaod, walay lain kundili ang myembro sa CPP-NPA nga walay mga kaluoy nga mipatay ug mga sibilyan, naghatag kahadlok sa komunidad gamit ang mga armas, ug naghimo og mga kalapasan sama sa pagpangilkil ug pagpangsunog.

Padayon nga nagserbisyo ang AFP ug PNP nga adunay kasibot ug dignidad aron mapanalipdan ang komunidad batok sa CPP-NPA. Bisan kanus-a walay luna ang kahadlok sa mga kasingkasing sa matag matinud-anon nga kawani sa gobyerno ug sa mga tawo.

Mupatigbabaw ang balaod ug hustisya, dili ang terorismo. Nag-awhag ang liderato sa PRO13 sa tanan nga mga Caraganon nga maghiusa kita batok sa CPP-NPA ug tabangan ang gobyerno nga mahunong na ang lokal nga armadong panagbangi.

Isalikway ang terorismo! Magtinabangay kita batok sa CPP-NPA!

#TeamPNP
#WeServeAndProtect
#PNPKaubanMo
Agusan del Sur Police Provincial Office
Agusan del Sur Police Provincial Office
Agusan del Sur Police Provincial Office
Nasayod ba kamo nga ang bakuna kontra COVID19 usa ka epektibo ug sigurado?
Kung mao, ayaw kabalaka..MAGPABAKUNA NA!

#TeamPNP
#WeServeAndProtect
#PNPKakampiMo
#StepTowardsTransformationAndDevelopment
#ResbakunaKasanggangBida
Agusan del Sur Police Provincial Office
Agusan del Sur Police Provincial Office