SUBJECT: Accomplishment Report on Campaign Against Illegal Gambling

September 20, 2021
MGA NAKASUPAK SA HEALTH PROTOCOL NATIKITAN, 2 KA HUT-ONG SA MGA SABONGERO SIKOP
Agusan del Sur Police Provinical Officer —– Mukabat 1011 ka mga personahi ang natikitan sa kapulisan sa tibook probinsya sa Agusan del Sur human kini napamatud-an nga nakasupak sa health protocol pinasikad sa mga ordinansa nga gi-umol sa nagkada-iyang munisipyo apil na niini ang probinsyal nga bala-udnon ug duha ka illegal cockfighting ang nabungkad.
Atol sa pagpangronda sa mga kapulisan, mao kini ang nahitala nga natikitan: 586 ka mga personahi ang nasuta nga walay facemask ug face shield; 195 ang nakasupak sa social distancing/ mass gathering; 38 ka establisimento ang nakasupak nga wala misunod sa health protocol atol sa pag abi-abi sa ilang mga kleyente; 111 ang nasakpan sa curfew; 79 nakasupak sa liquor ban ug 2 ka grupo ang nabungkad nga nagpahigayon ug illegal nga sabong dayon sa pagkasikop sa 5 ka mga personahi ug nag uban nakadagan.
Sa pagkakaron, padayon gihapon ang pagsubida sa mga kaso sa COVID-19 ug ubay-ubay napud ang nakalas nga kinabuhi. Tungod niini dapat ato kini nga hinuktukan kay dili na kini ti-aw ug angayan lamang nga atong batukan ug sa kanunay nga magmatngon.
Sa gihapon, ang kapulisan sa probinsya sa Agusan del Sur nga gipanguluhan ni PCOL RUBEN B DELOS SANTOS, OIC padayon nga maga-awhag sa kanunay nga magma-ampingon ug hugot nga nagamando nga sundon ang mga ordinansa ug health protocol aron mukunhod na ang maong pandemya.
Updated: September 24, 2021 — 3:08 am

Leave a Reply

Your email address will not be published. Required fields are marked *